Manchester Evening News хабарига кўра, "МЮ" ҳужумчиси Мемфис Депай январда очиладиган трансферлар ойнаси чоғида "Эвертон"га ўтиши мумкин. Бу трансферга Морган Шнейдерлин ҳам қўшилиши мумкин.
Моуриньо январдаги трансфер олдидан жароҳат олмасликлари учун бу икки футболчини Европа лигасида "Заря" билан учрашувга олиб бормаган.
Морган Шнейдерлен "Саутгемптон"даги собиқ устози Рональд Куманнинг қўл остига ўтишга тайёр. Куман, шунингдек Депайни ҳам трансферига қизиқмоқда.
"МЮ"нинг собиқ устози Луи ван Гаал ўз вақтида Депай учун 26.3 миллион, Шнейдерлен учун 25 миллион фунт сарфлаган эди.
Агар трансфер амалга ошса, Шнайдерлен ва Депай охирги 30 йилда "МЮ"дан "Эвертон"га ўтган 11 ва 12-ўйинчи бўладилар.
