«Манчестер Сити» яримҳимоячиси Яҳё Туре жамоада қолиши мумкин.
33 ёшли футболчининг шартномаси 2017 йил ёзида ўз ниҳоясига етади, аммо у ҳали узайтирилмади. Бироқ, бош мураббий Хосеп Гвардиола Туре билан янги шартномани муҳокама қилишга тайёр.
«Биламан, уни шартномаси якунига етмоқда. Бизда буни муҳокама қилиш учун вақт бор. Унинг ўйинини сифати мени ҳайрон қолдирди, у ёш йигитчага ўхшайди. У жуда зўр ўйнамоқда. «Сити» қийналганида у ёрдамга келади. Унда кучли ирода бор, Туре – зўр ўйинчи» - деди Гвардиола Goal хабарида.
