«Интер» клубининг собиқ яримҳимоячиси Фреди Гуарин айни пайтда Хитойнинг «Шанхай Шэньхуа» клубида ўйнамоқда ва бу борада ўз таассуротлари билан ўртоқлашди.
«Мен кўп йиллар давомида «Интер»да ўйнадим. Бироқ жуда фойдали таклиф олганимдан сўнг вазиятни ўзгартиришга қарор қилдим.
Хитой лигасини кучсиз деб ўйлагандим, аммо янглишган эканман. Албатта у Ла Лига билан рақобатлаша олмайди, бироқ уни А серия билан тенглаштириш мумкин.
Вақт ўтиши билан Хитой клублари кучаяди ва бу футболчилар, мураббийлар учун жозибадор чемпионатга айланади. Маҳаллий футболчилар эса хорижликлардан жуда кўп нарсаларни ўрганиб олишади» - деди Гуарин.
