«Барселона» президенти Хосеп Мария Бартомеу Спорт арбитраж судининг (CAS) «Реал» клуби борасидаги қароридан ҳайратда эканини яширмади.
Бугун суд «Реал»га қўйилган 2 трансфер муддатда футболчилар билан шартнома имзолаш тақиқини 1 трансфер муддатга қисқартирган эди.
«Мен воқеа тафсилотларини билмайман. Ҳуқуқшуносларим билан маслаҳатлашишим шарт. Нима бўлганда ҳам, барча учун жазо муддати бир хил бўлиши керак. Ҳуқуқий ноҳақлик футболга ҳам кириб келмоқда ва ундан фақат «Барселона» эмас, бошқа клублар ҳам озор чекмоқда. Қарор қабул қилингандан сўнг, уни ўзгартирмаслик лозим. Чунки футболчилар у ёки бу ҳолатда қандай қарор қабул қилиш кераклигини билмай қолишади» - деди Бартомеу Marca хабарида.
