Бразилиянинг «Сантос» клуби президенти Доривал Хуниор европалик юлдузлар билан жамоани кучайтиришни режалаштирмоқда.

Мулозим Яя Туре ("Ман Сити"), Франческо Тотти ("Рома"), Франк Рибери ("Бавария") ва Бастиан Швайнштайгерни (МЮ) жамоага таклиф қилмоқчи.

«Бу футболчилар ўз клубларида баъзи муаммоларга эга. Биз эса бу муаммоларни ҳал қилишда ёрдам бера оламиз. Бу трансферларни амалга ошириш осон бўлмайди, аммо улардан бирини қўлга киритиш учун уриниб кўришимиз шарт.

Клуб бундан маркетинг нуқтаи назаридан фойда олади. Бу ғояларни ҳаётга татбиқ қилиш мушкул, аммо уриниб кўрса бўлади» - деди Хуниор The Sun хабарида.