Авиаҳалокатда деярли барча аъзосидан айрилган Бразилиянинг «Шапекоэнсе» клубига Судамерикана кубоги топширилди, деб хабар бермоқда El Tiempo.
Тантанали маросим Либертадорес кубогига қуръа ташлаш тадбирида амалга оширилди. Яна бир финалчи – Колумбиянинг «Атлетико Насьонал» клуби КОНМЕБОЛнинг «Фэйр плей» совринини олди.
30 ноябрь куни «Шапекоэнсе» Судамерикана кубоги финалида «Атлетико Насьонал» билан ўйнаши лозим эди. Аммо 29 ноябрь куни Медельин шаҳри яқинида клуб аъзолари ўтирган самолёт ҳалокатга учради. Қурбон бўлган 71 нафар инсон орасида «Шапекоэнсе» футболчилари ва мураббийлар штаби ҳам бор эди.