ЎФФ мажлислар залида ўтган Олий Лига-2017 қуръа ташлаш маросимида иштирок этган «Динамо» жамоаси мураббийи Учқун Қобилов қуръадан сўнг ўз фикрларини билдирди.

«Мавсумни сафарда бошлайдиган бўлдик. 1-турда Бекободда «Металлург»га қарши ўйин осон бўлмаслиги аниқ. Самарқанддаги дастлабки ўйинда эса «Шўртан» жамоасига қарши ўйнаймиз. Кейинги турларда эса бизни «Пахтакор» ва «Навбаҳор»га қарши ўйинлар кутиб турибди. Тақвимдан нолимаймиз, мақсадимиз мавсумга жиддий тайёргарлик кўриб, ҳар қандай рақиб билан ўйинда ғалаба учун курашиш» - дейди «Динамо» клуби бош мураббийи ёрдамчиси.

Эслатиб ўтамиз, «Динамо» жамоаси 15 декабрдан бошлаб Самарқанддаги қароргоҳда янги мавсумга тайёргарликни бошлаган. Илҳом Шарипов бошқарувида ўтаётган йиғинда асосан маҳаллий футболчилар иштирок этишмоқда. Йиғин 29 декабргача давом этади.