«Атлетико» бош мураббийи Диего Симеоне «Челси» ҳужумчиси Диего Костани орқага қайтара олмагани ҳақида гапирди. Футболчи 2010 - 2014 йилларда мадридликлар сафида ўйнаган эди.
«Диего Коста билан ҳанузгача муносабатларимиз яхши, чунки унга нисбатан адолатли бўлганман. Уни ёзда қайтармоқчи эдик. Аммо АПЛда ўйнаётган футболчилар билан боғлиқ муаммо шуки, одатда уларнинг шартномасида товон пули белгиланмайди. Натижада «Челси» 180 млн фунт сўраши ёки уни сотмаслигини маълум қилиши ҳам мумкин эди. Диего Костани қайтариш учун «Атлетико» ёзда барча ишни қилди, бироқ якунда унинг ўрнига Кевин Гамейрони олдик», — деди Симеоне Metro хабарида.
