Хитой футбол федерацияси мамлакат чемпионатида легионерлар сонини қисқартириш таклифи билан чиқди.
Амалдаги қоида бўйича Хитой клублари 5 нафар легионерни рўйхатдан ўтказа олади, улардан камида бир нафари осиёлик бўлиши шарт.
Федерация томонидан легионерлар сони тўртта қилиб белгиланиши, бироқ улардан бир нафари осиёлик бўлиб қолиши таклиф қилинмоқда, деб хабар беради Goal.
Бу чора тадбирлардан маҳаллий футболчиларнинг ривожланиши, терма жамоага фойда келтириши, шунингдек Хитой чемпионати регламентини ОФК Чемпионлар лигаси регламентига мослаштириб олиш кўзланмоқда.
