"Боруссия" Д, "Бавария" клублари ва Швейцария терма жамоасининг собиқ бош мураббийи Оттмар Хитцфельд ўз вақтида Германия терма жамоасидан таклиф тушганини эслади.
Хитцфельд 2004 йилда Германия футбол уюшмасининг (DFB) мамлакат терма жамоасини бошқариш таклифига рад жавобини берган эди.
"Германия терма жамоасини нима учун бошқармаганимни ҳеч ким тушунмаган эди. Буни DFB'нинг ўша вақтдаги президенти Герхард Майер-Форфельдер ҳам тушунмаган эди. Мен ҳолдан тойганимни айта олмаган эдим. У вақтда бу мавзуда гапириш керак эмас эди", - дейди Хитцфельд.
