"Манчестер Юнайтед" бош мураббийи Жозе Моуриньо жамоа яримҳимоячиси Поль Погбага юқори баҳо берди.

Француз футболчиси ўтган ёзда "Ювентус"дан 93 млн фунт эвазига "МЮ"га келиб қўшилган эди.

"АПЛ - бу жуда оғир. Сен 3-4 йил Италияда тўп суриб, кейин Англия клубига ўтсанг - бошқа дунёга тушиб қолгандай бўласан.

Аммо у ҳаммасини яхши бажаряпти, ҳатто "яхши"дан ҳам аъло. Унинг ривожланаётгани кўриниб турибди. Менимча, келаси мавсум унинг учун янада яхши кечади.

Погба – кўплаб ва яна кўпдаб гол урадиган яримҳимоячи, бунинг учун унда етарли тажриба бор. Менимча, Поль - дунёнинг энг яхши яримҳимоячиси.

У ёш ва яна ўсиши мумкин. Унинг ўзи ҳам буни муҳим деб ҳисоблаяпти", - дейди Моуриньо.

Погба АПЛнинг жорий мавсумида 17 учрашувда 3та гол урган ва 3та голга тўп оширган.