«Реал» яримҳимоячиси Иско ҳозирча келажаги тўғрисида бир қарорга келмади.

As хабарига кўра, 24 ёшли футболчи «Реал» билан шартномани узайтириш борасидаги музокараларни июнь ойига қадар кечиктирди.

Футболчи «Реал» таклиф қилган 2022 йилгача мўлжалланган шартнома ва унинг молиявий бандларидан рози, аммо жуда кам ўйин амалиётига эга бўлаётганидан норози.

Аввалроқ, у билан «Барселона» ва «Милан» клублари қизиққани ҳақида хабар чиққан эди.

Испания чемпионатининг жорий мавсумида Иско 12 ўйинда майдонга тушиб, 2та голга муаллифлик ва 3та голга ҳаммуаллифлик қилган.