"Арсенал" бош мураббийи Арсен Венгер АПЛнинг ҳозирги савияси унингг кўнглини тўлдира олмаётганини тан олди.
"Канонирлар" АПЛнинг 18-туридан сўнг 37 очко билан жадвалда тўртинчи ўринда бормоқда. Етакчи "Челси" 46 очко тўплаган.
"Биз энг яхши мураббийлар ва ээнг яхши клублари бўлган чемпионат мавсумининг ярмида турибмиз. Ҳозирча, чемпионат барча жабҳаларда афсуслантиряпти. АПЛнинг ҳар мавсумида икки ёки учта томошабоп ўйин кўрар эдик, аммо бу мавсумда ҳали бундай ўйин кўрмадик. Бу ўйинлар ҳали олдинда деб ўйлайман.
АПЛ клублари янада томошабоп ўйин кўрсатишга мажбурдирлар. Англия чемпионатида катта пул айланади, ҳар бир ўйин муҳим, ҳар бир мураббий катта босим остида. АПЛнинг барча клублари ҳозир жуда юқори савияда", - дейди Венгер.
