«Саутгемптон» бош мураббийи Клод Пюэль «ПСЖ» яримҳимоячиси Хатем Бен-Арфани Златан Иброҳимович билан солиштирди.
«Хатем – мен учун ўзгача футболчи. У Иброҳимовичга ўхшайди. У ўзини намоёни қилиши учун жамоага кераклигини ҳис қилиши шарт.
Агар у майдонга жуда кам тушса, ўз иқтидорини намоён қилолмайди. У ёш футболчи эмас, 15-20 дақиқа майдонга тушиб, ўйин тақдирини ҳал қилолмайди.
Унинг иқтидори тан олинган. Биз тез-тез мулоқот қилиб турамиз ва бир-бирига хабар жўнатамиз» - деди Пюэль.
Эслатиб ўтамиз, Пюэль Бен-Арфа билан «Ницца»да бирга ишлаган эди.
