"Эвертон" ва "Вест Бромвич" клублари ҳамон "Манчестер Юнайтед" яримҳимоячиси Морган Шнейдерлинга қизиқмоқдалар ва яқин вақтлар ичида француз футболчиси учун яхшироқ таклиф билдиришни режалаштирмоқдалар.
Шнейдерлин бўйича "МЮ" ва "Эвертон" ўртсидаги музокаралар бошланғич босқичда ва "ирис"ларининг 19 миллион фунтлик биринчи таклифлари рад этилган.
"Вест Бромвич" қишки трансферлар чоғида француз футболчисини асосий нишон ҳисоблаганлар, уларнинг ҳам 18 миллион фунтлик биринчи таклифлари рад этилгач, тўланадиган товон пулини ошириш ниятидалар.
Манчестерликлар 27 ёшли футболчини 24 миллион фунтга сотмоқчилар. Футболчи 2015 йилда айнан шу суммага "Саутгемптон"дан сотиб олинган.
