«Реал» клуби бош мураббийи Зайниддин Зидан жамоа билан янги шартномани шунчаки имзоламаслигини маълум қилган.
Don Balon хабарига кўра, мутахассис 2018 йилда ўз ниҳоясига етадиган шартномасини узайтириш учун президент Флорентино Перес олдига уч шарт қўйган.
Биринчидан, Зидан маошини кескин оширилишини талаб қилмоқда. Айни пайтда у йилига 5 млн евро оляпти. Солиштирадиган бўлсак, «Барселона» устози Луис Энрикенинг йиллик маоши 18 млн еврога яқин.
Иккинчидан, Зидан Пересдан «Ювентус» ҳужумчиси Пауло Дибалани эмас, балки «Челси» яримҳимоячиси Эден Азарни сотиб олишни талаб қилмоқда.
Учинчидан, Зидан Пересдан Де Хеа борасидаги музокараларни тўхтатишни талаб қилмоқда ва жамоанинг асосий дарвозабони Кейлор Навас бўлиб қолишини истамоқда.
