«Бавария» ҳужумчиси Роберт Левандовски Карло Анчелотти билан мюнхенликларнинг ўйини янада очилиб кетгани ҳақида гапирди.
«Ҳозир аввалгига қараганда яхшироқ ўйнамоқдамиз. Тактик ва жисмонан олиб қараганда аҳволимиз яхши. Сўнгги икки йилда, мавсум охирида муаммога дуч келгандик. Футболчиларнинг жисмоний ҳолати яхшимасди, жароҳатлар кўпайиб қолганди. Ҳозир эса машғулотлардаги юкламалар ҳам маромида.
Евро-2016 дан сўнг мавсумолди тайёргарлиги учун вақт оз эди. Шунинг учун ҳам жисмоний ҳолатимизни ўйинлар орқали тиклаб олдик. Қишки танаффус вақтида эса янада яхши формага чиқиб оламиз» - деди Левандовски Bild хабарида.
