«Манчестер Юнайтед» бош мураббийи Жозе Моуриньо йилнинг энг яхши мураббийи ким бўлиши кераклиги ҳақидаги саволга жавоб берди.
Маълумки, ФИФА томонидан топшириладиган совринга Зайниддин Зидан, Клаудио Раньери ва Фернанду Сантуш даъвогарлик қилмоқда.
«Ҳар учаласи ҳам совринга лойиқ, чунки жиддий мусобақаларда ғолиб чиқишган: Зидан Чемпионлар лигасида, Сантуш – Евро-2016да, Раньери эса АПЛда ғалаба қозонган.
Мен улар билан дўстман, шунинг учун ҳам ҳар бирининг ғалабасига хурсанд бўламан. Раньери мўъжиза яратган, Сантуш орзуни рўёбга чиқарган, Зидан эса Чемпионлар лигасида зафар қучган» - деди Моуриньо.
