"Интер" ҳужумчиси Стеван Йоветич "Севилья"га ўтиш истаги борлигини тасдиқлади.
"Севилья"га ўтаманми? Умид қиламанки, бу содир бўлади", - дейди Йоветич.
Аввалроқ "Севилья" Йоветични ижарага олиши маълум бўлган эди, аммо клублар ҳозирча футболчининг кейинчалик сотиб олиниш ҳуқуқи борасида келиша олмаяптилар.
Тахминларга кўра, Хитой клубларидан бири яхши шароитлар таклиф қилиб, Йоветичнинг йўлини Осиёга буриб юбориши мумкин.
Шу билан бирга, Corriere dello Sport нашри футболчининг Хитойдан тушган таклифни рад қилиб, "Севилья"га ўтишга тайёрлигини хабар қилган.
