"Барселона" ҳимоячиси Жерар Пике Испания чемпионатининг 17-турида "Вильярреал" билан дурангдан сўнг (1:1) фикрларини билдирди.
"Бруно Сориано жарима майдончаси ичида икки марта қўли билан ўйнади. Тўп Маскеранонинг ҳам қўлига тегди, аммо мен атайлаб қилинган ҳаракатлар ҳақида гапиряпман.
Ҳакамлар? Ўзингиз ҳаммасини кўрдингиз. Улар ҳафта сайин гап-сўз кўпайишига сабабчи бўлишмоқда. Майдонда бўлиб ўтган илар ҳаммаси аниқ, бу ерда гапиришнинг кераги йўқ.
Биз "Вильярреал"да бир бош юқори ўйин кўрсатдик, аммо баъзи икир-чикирларни кейинроқ таҳлил қиламиз.
Чемпионат ҳали бой берилгани йўқ. Вазиятни ўзгартира олишимизга ишонаман. Аммо ўз ўйинимизни мукаммаллаштиришимиз лозим", - дейди Пике.
