Янги мавсумга тайёргарликни кечадан Дубайда бошлаган "Локомотив" футболчилари кеча, 8 январь куни бир маҳал машғулот ўтказишди. Бугундан бошлаб машғулотлар икки маҳал олиб борилади.
Жамоа аъзоларига бугунги машғулотдан олдин мураббийлар томонидан футбол назарияси бўйича дарс ўтилди. Шундан сўнг машғулотлар очиқ майдонга кўчди. Машғулот аввалида "темирйўлчилар" бугун туғилган кунларини нишонлаётган жамоа шифокори Аброр Пирриев билан ярим ҳимоячимиз Икром Алибоевни табриклашди.
Кундузги машғулот соат 11:00дан 12:30га қадар ташкил этилди. Кечки пайт эса футболчиларимиз 17:00дан бошлаб соҳил бўйида (қумли майдонда) машқ қилишади.
Машғулотда жамоа билан Дубайга йўл олган барча футболчилар иштирок этишмоқда.
