АИК ҳужумчиси Александр Исаак Кот-д'Ивуарга (1: 2) қарши ўйинда Швеция терма жамоаси таркибида дебют қилди.
Футболчи ўйиннинг 62-дақиқасида захирадан туширилган пайтда 17 ёшу 109 кунга тўлган эди. Натижада у Швеция терма жамоасининг сўнгги 100 йилдаги энг ёш футболчиси бўлди.
Бу борада мутлақ рекордчи Гуннар Плейел ҳисобланади. Футболчи 1911 йилда миллий терма жамоа сафида Финляндияга (2:5) қарши ўйинда майдонга тушганида 17 ёшу 72 кунга тўлган эди.
Эслатиб ўтамиз, «Янги Иброҳимович» лақабини олган Исаакни «Реал», «Барселона», «Бавария», «Челси» ва бошқа номдор клублар кузатиб боришмоқда.
