ФИФА талқини бўйича 2016 йилнинг энг яхши мураббийи Клаудио Раньери совринни қўлга киритганидан сўнг маросимда нутқ сўзлади.
"Қандай ажойиб кеча! Бу маросимда афсоналар билан бирга қатнашишнинг ўзи жуда яхши, нди эса менга соврин топширишди. Ақлдан озиш мумкин. Менга овоз берганларнинг ҳаммасига раҳмат.
Шунингдек, аёлимга, оиламга, агентим ва ўйинчиларимга миннатдорчилик билдираман. Албатта, мухлисларга ҳам раҳмат.
Ўтган мавсумда Англия чемпионатида кечган воқеа - ажойиб ва ҳайратланарли бўлди.
Менгача Алвес 30 ёшида ниманидир ўрганганлигини айтди... Мен эса 65 ёшдаман ва мен учун ҳаммаси энди бошланяпти", - дейди "Лестер" устози.
