"Реал"нинг собиқ ҳимоячиси Мичел Сальгадо ФИФА талқини бўйича 2016 йилнинг энг яхши ўйинчиси совринини қўлга киритган Криштиану Роналду ҳақида фикр билдирди.
"Роналдунинг Мессидан тўртта "Олтин тўп"ни тортиб олгани қувонарли. Криштиану бу совринни ҳақли равишда қўлга киритди ва овоз бериш жараёни ҳаққоний ўтганига шубҳа йўқ.
Роналдуни яқиндан билишга улгурмаганман, аммо қисқа муддатли танишув вақтида ҳам унда ғолиблик руҳи борлигига ишонч ҳосил қилганман. У қойилмақом футболчи ва ажойиб спортчи. Бу менталитетни фақат Фигуда кўрганман.
"Реал" ажойиб мавсумни ўтказмоқда. Бу жамоа менинг вақтимдагидан яхшироқ ўйнамоқда. Улар руҳан кучли ва яна кўплаб совринлар ютишлари мумкин.
"Барселона" ўйинчиларининг келмаганлари ғалати. Мен улар билан кўришмоқчи эдим ва мухлислар учун ҳам бу ёқимли бўлар эди", - дейди Сальгадо.
