"Реал"нинг собиқ ҳужумчиси Роналдо собиқ жамоадоши Майкл Оуэннинг твиттерда унинг ортиқча вазни ҳақидаги сўзларига муносабатини билдирди.
"Ҳайронман, бутун дунёга менинг ортиқча вазнимнинг нима аҳамияти бор экан. Тушуна олмаяпман, жиддий айтяпман, нима учун бунчалар қизиқ", - дейди Роналдо.
Оуэннинг сўзларига унинг собиқ жамоадоши Роберто Карлос ҳам изоҳ берган: "Бундай ҳазилларни ёқтирмайман. Роналдо - менинг яхши дўстим, андиша қилиш керак. Роналдонинг сири унинг танасида эмас, балки юрагида, унда бу нарса жуда катта".
