АҚШ Адлия вазири ва бош прокурори Лоретта Линч янги ҳукумат аъзолари ФИФА устидан коррупция можароси бўйича очилган жиноий ишни кўриб чиқишда давом этишини маълум қилди.

AP хабарига кўра, 20 январь куни янги президент Доналд Трампнинг инаугурация маросимидан сўнг, Линч ўз лавозимини тарк этади. Унинг ўрнини сенатор Жефф Сешнс эгаллайди.

Линч хабарига кўра, жиноий иш юзасидан дастлабки суд маҳкамаси октябрь ойига мўлжалланган, тергов эса ҳамон давом этмоқда. Мулозимнинг сўзларига кўра, ФИФА ташкилотидаги коррупция билан боғлиқ бу ишнинг ҳажми жуда катта бўлиб, у иложи борича тезроқ ҳал қилиниши лозим.

Эслатиб ўтамиз, 2015 йил 27 май куни Цюрихда ФИФА ташкилотининг бир қатор мулозимлари ҳибсга олинган эди. АҚШ Адлия вазирлиги хабарига кўра, 24 йил ичида 14 мулозим жами 150 млн доллар миқдорида пора олган.