Ўтган мавсумни “Бухоро” клубида ўтказган ҳимоячи Максимилиан Фомин кейинги мавсумдан легионерга айланиши мумкин. Маълум бўлишича, 23 ёшли футболчи айни пайтда Уммоннинг “Саҳам” клуби сафида кўрикдан ўтмоқда.

Олинган хабарга қараганда, футболчи клуб сафида Саудия Арабистонининг “Ал-Тавон” клубига қарши майдонга тушган ва ушбу баҳс 3-0 ҳисобида уммонликлар фойдасига ҳал бўлган. Қайд этиш жоиз, айни пайтда “Саҳам” Уммон чемпионати турнир жадвалида 5 ғалаба, 3 дуранг ва 5 та мағлубият билан 18 очко жамғарган ҳолда, 6 ўринни банд этиб турибди.