"Манчестер Юнайтед" бош мураббийи Жозе Моуриньо АПЛнинг 21-турида "Ливерпуль" билан дурангдан сўнг (1:1) фикрлари билан ўртоқлашди.
"Бу ўйин нейтрал томошабинлар учун ҳам қизиқ бўлди. Аммо юқори савияли футбол кўрсатдик деб ўйламайман. Бироқ, охиригача курашдик. Рақиб ақл билан ҳаракат қилди, улар қандай футбол ўйнашни, ўйин давомида ҳиссиётларини жиловлашни биладилар. Улар охирги дақиқаларда қийин бўлишини билар эдилар.
"МЮ" ҳужум қилди, "Ливерпуль" ҳимояланди. Келинг, бу учрашувдан кейин танқидлар қанчалик ўринли бўлади, кўрамиз. Менга "МЮ"нинг ўйини ёқди, аммо натижадан кўнглим тўлмади", - дейди Моуриньо.
