"Челси" бош мураббийи Антонио Конте Хитой клублари пулларининг АПЛ клубларига таъсири ҳақида сўзлади.
"Пуллар - бу ҳамма нарса дегани эмас. "Челси"дай ажойиб клубда ўйнар экансан, сен рози бўлишинг керак.
АПЛда рақобат кучли. Бу лига исталган ўйинчини олиб келиши мумкин, чунки у дунёда кўп кўрсаткичлар бўйича биринчи ўринда.
Шу сабабли қайтараман, Хитойликларнинг таклифлари лига учун хавф солмайди. Пул - ҳамма нарса дегани эмас.
Оскар "Челси"да ўйнади, яхши таклиф олиб Хитойга йўл олди. Мен ўйинчиларимга бўлган хавфни сезишим керак эди.
Аммо "Челси" - буюк клуб, унинг сафида ўйнаш катта фахр. Шунинг учун хавф кўрмаяпман", - дейди Конте.
Аввалроқ, "Тяньцзинь Цюаньцзянь"дан тушган 30 миллион фунт таклиф сабабли Конте жамоа ҳужумчиси Диего Коста билан зиддиятга бориб қолгани хабар қилинган эди.
