«Шанхай СИПГ» бош мураббийи Андре Виллаш-Боаш Хитой Суперлигасида жорий қилинган янги қоидадан норози бўлди.
Янги регламентга кўра, бундан буён асосий таркибда кўпи билан 3 нафар легионерни майдонга тушириш мумкин бўлади.
«Бу жуда нотўғри қарор. Бу клубларга ноқулай бўлган вақтда қабул қилинди. Энди режаларни тубдан ўзгартиришга тўғри келади.
Легионерлар сонининг чекланиши маҳаллий футболчилар нархини оширади. Бундан ташқари ёш футболчиларни таркибга жалб қилишни қийинлаштиради.
Ўз навбатида ёшларнинг нархи ҳам ошади ва бу уларга босим бўлади. Бу қарорнинг фойда келтириши даргумон» - деди мутахассис ESPN хабарида.
Эслатиб ўтамиз, "Шанхай СИПГ" таркибида Одил Аҳмедов ҳам тўп суради ва бу қарор унинг фаолиятига ҳам салбий таъсир қилиши мумкин.
