«Shanxay SIPG» bosh murabbiyi Andre Villash-Boash Xitoy Superligasida joriy qilingan yangi qoidadan norozi bo‘ldi.
Yangi reglamentga ko‘ra, bundan buyon asosiy tarkibda ko‘pi bilan 3 nafar legionerni maydonga tushirish mumkin bo‘ladi.
«Bu juda noto‘g‘ri qaror. Bu klublarga noqulay bo‘lgan vaqtda qabul qilindi. Endi rejalarni tubdan o‘zgartirishga to‘g‘ri keladi.
Legionerlar sonining cheklanishi mahalliy futbolchilar narxini oshiradi. Bundan tashqari yosh futbolchilarni tarkibga jalb qilishni qiyinlashtiradi.
O‘z navbatida yoshlarning narxi ham oshadi va bu ularga bosim bo‘ladi. Bu qarorning foyda keltirishi dargumon» - dedi mutaxassis ESPN xabarida.
Eslatib o‘tamiz, "Shanxay SIPG" tarkibida Odil Ahmedov ham to‘p suradi va bu qaror uning faoliyatiga ham salbiy ta’sir qilishi mumkin.
