"Барселона"нинг собиқ футболчиси Ривалдо катаолнияликлар стадиони "Кам Ноу"га ташриф буюрди, дея хабар беради клуб расмий сайти.
Ривалдо "Барселона" президенти Хосеп Бартомеу, вице-президент Жорди Местре ва диекторлар кенгаши аъзолари Сильвио Элиас ва Пау Виланова билан учрашди. Улар каталоня клуби брендини бутун дунёда оммалаштиришга қаратилган "Барселона афсоналари" лойиҳасида бразилияликнинг иштирокини муҳокама қилдилар.
Ривалдо 1997дан 2002 йилгача "Барселона"да ўйнаган ва икки марта Испания чемпиони бўлган, Европа Суперкубоги ва Испания кубогини ютган.
