"Реал" бош мураббийи Зинедин Зидан Испания кубоги чорак финалида "Сельта"дан учралган мағлубият ҳақида гапирди.

"Сельта"нинг ўйинидан ажабланмадим. Улар бизга зарар келтиришини билар эдик. Мен хавотир олмаяпман, аммо бу яхши бўлмади.

Биз чекина олмаймиз, олдинда примера ўйинлари турибди, вазиятни ўзгартириш учун бир қарорга келишим керак.

Ўйиннинг боши қийин кечди, биз ўзимиз режалаштирган ўйинни кўрсата олмадик. Ўйинга кира олмадик. Ҳаммасинитаҳлил қилиб кўришим керак.

Мен тактика устида ишлаяпман, тўғри схема излаяпман, бу айниқса ҳужум чизиғимизга таалуқли.

Ўйиндаги омадсизлик жамоанинг жисмоний тайёрргарлиги ёмонлигидан эмас. "Севилья"га қарши ўйин қийин кечган эди.

Биз "Реал"миз ва ишлашда давом этамиз. Бу вазиятдан чиқиб кета оламиз. Шу кунгача омадимиз келаётган эди, аммо нимадир бўлди", - дейди Зидан.