«Манчестер Юнайтед»нинг хавфсизлик хизмати бир аёлга «Олд Траффорд» ва клуб қароргоҳига киришни тақиқлаб қўйди.

Номи ошкор қилинмаган аёл фотомухбир сифатида аккредитация олган ва жамоа ўйинларига мунтазам ташриф буюрган. Бироқ, у ҳар сафар бош мураббий Жозе Моуриньонинг эътиборини жалб қилишга уринган, у билан учрашиш ёки гаплашиб олишни тинмасдан илтимос қилган, деб хабар бермоқда The Sun.

Маълумотларга қараганда, аёл аслида фотомухбир бўлмаган ва Моуриньога яқинлашиш учун шу ишга қўл урган. Бу аниқлангандан сўнг, клубнинг хавфсизлик хизмати уни стадионга киришини тақиқлаб қўйди.