24 январ куни Ўзбекистон Миллий Паралимпия Ассоциацияси томонидан Тошкент шаҳар халқ таълими ҳамда маданият ва спорт ишлари бўйича бош бошқармалари тассаруфидаги Болалар ва ўсмирлар спорт мактаблари раҳбар ва мураббийларига паралимпия спорт турларининг бир қатор йўналишлари ҳақида маълумот бериш мақсадида ўқув семинар ўтказилди.
Далат жисмоний тарбия унверситетида бўлиб ўтган ўқув-семинар Ўзбекистон Республикаси Вазирлар Маҳкамасининг 2016 йил 20 октябридаги 355-сонли қарори ижросини таъминлаш мақсадида ўтказилди. Сўнгги йилларда Республикамизда Олимпия спорт турлари билан бир қаторда Паралимпия спорт йўналишларига ҳам катта эътибор берилмоқда. Эндиликда, юқоридаги қарорга мувофиқ юртимизда фаолият олиб бораётган Болалар ва ўсмирлар спорт мактаблари таркибида паралимпия спорт турлари бўйича бўлинмалар очилади ва машғулотлар йўлга қўйилади. Шу ўринда, ушбу спорт мактаблари раҳбар ва мураббийлари олдида бир қатор саволлар юзага келиши табиий ҳолат. Ўзбекистон Миллий Паралимпия Ассоциацияси мутахассилари бошчилигида бўлиб ўтган ўқув-семинар ўзаро мулоқот тарзида ташкил қилинди ҳамда иштирокчлар ўзларини қизиқтирган саволларга жавоб олдилар.
Тадбирда Миллий Паралимпия терма жамоасининг енгил атлетика, дзюдо ва сузиш турлари бўйича бош мураббийлари иштирок этишганини таъкидлаш керак. Улар паралимпия спортчиларини классификацияси, халқаро мусобақалар қоидалари, турли халқаро мусобақаларда иштирок этиш учун норматив қоидалар ва Халқаро допингга қарши кураш ташкилоти томонидан бугунги кунда қабул қилинаётган қарор ҳақида иштирокчиларга етарлича маълумот бердилар.
