24 yanvar kuni O‘zbekiston Milliy Paralimpiya Assosiasiyasi tomonidan Toshkent shahar xalq ta’limi hamda madaniyat va sport ishlari bo‘yicha bosh boshqarmalari tassarufidagi Bolalar va o‘smirlar sport maktablari rahbar va murabbiylariga paralimpiya sport turlarining bir qator yo‘nalishlari haqida ma’lumot berish maqsadida o‘quv seminar o‘tkazildi.

Dalat jismoniy tarbiya unversitetida bo‘lib o‘tgan o‘quv-seminar O‘zbekiston Respublikasi Vazirlar Mahkamasining 2016 yil 20 oktyabridagi 355-sonli qarori ijrosini ta’minlash maqsadida o‘tkazildi. So‘nggi yillarda Respublikamizda Olimpiya sport turlari bilan bir qatorda Paralimpiya sport yo‘nalishlariga ham katta e’tibor berilmoqda. Endilikda, yuqoridagi qarorga muvofiq yurtimizda faoliyat olib borayotgan Bolalar va o‘smirlar sport maktablari tarkibida paralimpiya sport turlari bo‘yicha bo‘linmalar ochiladi va mashg‘ulotlar yo‘lga qo‘yiladi. Shu o‘rinda, ushbu sport maktablari rahbar va murabbiylari oldida bir qator savollar yuzaga kelishi tabiiy holat. O‘zbekiston Milliy Paralimpiya Assosiasiyasi mutaxassilari boshchiligida bo‘lib o‘tgan o‘quv-seminar o‘zaro muloqot tarzida tashkil qilindi hamda ishtirokchlar o‘zlarini qiziqtirgan savollarga javob oldilar.

Tadbirda Milliy Paralimpiya terma jamoasining yengil atletika, dzyudo va suzish turlari bo‘yicha bosh murabbiylari ishtirok etishganini ta’kidlash kerak. Ular paralimpiya sportchilarini klassifikasiyasi, xalqaro musobaqalar qoidalari, turli xalqaro musobaqalarda ishtirok etish uchun normativ qoidalar va Xalqaro dopingga qarshi kurash tashkiloti tomonidan bugungi kunda qabul qilinayotgan qaror haqida ishtirokchilarga yetarlicha ma’lumot berdilar.