«Реал» ҳужумчиси Криштиану Роналду Хитой нашрларидан бирининг версиясига кўра йилнинг яхши футболчиси деб топилди ва футболчи таҳририятга интервью берди.

Танқидлар ҳақида
Бу ҳақида ўйламайман. Ҳар бир инсонда турли сабабларга кўра ёқтирмайдиган инсони бўлади. Мен ўз танқидчиларимни хурсанд қилишни истамайман. Мени ҳурмат қиладиган ва ҳамиша қўллаб-қувватлайдиган мухлисларимни хурсанд қилишни хоҳлайман.

Зайниддин Зидан ҳақида
Зиданни ҳам футболчи, ҳам мураббий сифатида жуда ҳурмат қиламан. Унинг футболга бўлган муносабати эҳтиросли ва у ўз вақтида бизни хотиржам қила олади. Бизнинг 40та ўйиндан иборат мағлубиятсиз ўйинлар сериямизнинг асосий сабабчиларидан бири — айнан Зидан. У жамоанинг характерини ўзгартирди ва биз ғалаба қозона бошладик.

Лионель Месси ҳақида
Умуман олганда, таққослашларни ёқтирмайман, лекин бу ҳар қандай соҳанинг бир қисми. Месси ўз жамоаси учун яхши бўлиши ўйнамоқда, мен ўз жамоам учун. Биз турли жамоаларда ўйнаяпмиз. Шунинг учун рақиблармиз, лекин бир-биримизни жуда ҳурмат қиламиз.

Фаолиятини якунлаш ҳақида
Мен шартномани қайта имзолаганимда, 41 ёшгача ўйнайман деб айтиб ўтдим. Бу гапда озгина ҳазил ва озгина ҳақиқат бор. Ўзимни яхши ҳис қилиб турсам, жароҳатлар мени безовта қилмаса, у ҳолда 35, 41 ёки 45 ёшгача ўйнайман. Билмадим.

Келажак ҳақида
Ўзимни мураббий вазифасида тасаввур қила олмайман. Бу мен учун яхши вариант эмас. Келажакда нима рўй беришини билмайман. Ҳозирча эса футболчилик фаолиятимга бор эътиборни қаратганман.