«Real» hujumchisi Krishtianu Ronaldu Xitoy nashrlaridan birining versiyasiga ko‘ra yilning yaxshi futbolchisi deb topildi va futbolchi tahririyatga intervyu berdi.

Tanqidlar haqida
Bu haqida o‘ylamayman. Har bir insonda turli sabablarga ko‘ra yoqtirmaydigan insoni bo‘ladi. Men o‘z tanqidchilarimni xursand qilishni istamayman. Meni hurmat qiladigan va hamisha qo‘llab-quvvatlaydigan muxlislarimni xursand qilishni xohlayman.

Zayniddin Zidan haqida
Zidanni ham futbolchi, ham murabbiy sifatida juda hurmat qilaman. Uning futbolga bo‘lgan munosabati ehtirosli va u o‘z vaqtida bizni xotirjam qila oladi. Bizning 40ta o‘yindan iborat mag‘lubiyatsiz o‘yinlar seriyamizning asosiy sababchilaridan biri — aynan Zidan. U jamoaning xarakterini o‘zgartirdi va biz g‘alaba qozona boshladik.

Lionel Messi haqida
Umuman olganda, taqqoslashlarni yoqtirmayman, lekin bu har qanday sohaning bir qismi. Messi o‘z jamoasi uchun yaxshi bo‘lishi o‘ynamoqda, men o‘z jamoam uchun. Biz turli jamoalarda o‘ynayapmiz. Shuning uchun raqiblarmiz, lekin bir-birimizni juda hurmat qilamiz.

Faoliyatini yakunlash haqida
Men shartnomani qayta imzolaganimda, 41 yoshgacha o‘ynayman deb aytib o‘tdim. Bu gapda ozgina hazil va ozgina haqiqat bor. O‘zimni yaxshi his qilib tursam, jarohatlar meni bezovta qilmasa, u holda 35, 41 yoki 45 yoshgacha o‘ynayman. Bilmadim.

Kelajak haqida
O‘zimni murabbiy vazifasida tasavvur qila olmayman. Bu men uchun yaxshi variant emas. Kelajakda nima ro‘y berishini bilmayman. Hozircha esa futbolchilik faoliyatimga bor e’tiborni qaratganman.