«Реал» ҳимоячиси Серхио Рамос Испания кубогининг чоракфиналидан ўрин олган «Сельта» (2:2)клубига қарши жавоб ўйинидан кейин ўз фикрларини маълум қилди.
«Қироллик клуби» икки ўйин натижасига кўра 3:4 ҳисобида мағлуб бўлган эди.
«Бундай мусобақани тарк этишдан кўнгил хира бўлди. Бироқ охиригача курашдик ва бу билан фахрлансак арзийди. Бошқа ўйинларда бундай катта ташаббусга эга бўлиб, гол урардик. Бу сафар эплолмадик. Энди янада аҳил бўлишимиз лозим.
Олдинда бизни Примера ва Чемпионлар лигаси ўйинлари кутмоқда. Шунинг учун ҳам бир ойдан кейин эмас, балки ҳозир ютқазганимиз ҳам афзалроқ бўлди» - деди Рамос Marca хабарида.
