«Динамо» клуби президенти Акбар Шукуров ва жамоа аъзолари Самарқанд вилоят ҳокими, вилоят футбол федерацияси президенти Ҳиммат Оқбўтаев қабулида бўлишди.
Учрашув чоғида Самарқанд вилоят футбол федерацияси президенти Ҳиммат Қўчқорович «Динамо» клубини Олий Лигага қайтгани билан табриклаб, жорий мавсумда ҳам жамоадан самарқандлик минглаб футбол мухлисларининг умидлари катта эканлиги, шунга яраша уларни хурсанд этиш лозимлигини уқтирди.
Бунинг учун клубнинг тайёргарлик режасини тасдиқлаб, зарур чора-тадбирларни амалга ошириш кераклигини белгилади. Жамоага таркибни янада кучайтириш ва Олий Лига-2017 мавсумига муносиб иштирок этиш вазифаси юкланди. Тез орада жамоа сафига янги футболчилар таклиф этилиши кутилмоқда.
