Янги мавсум тараддудини кўраётган Бекободнинг "Металлург" жамоаси бугун пойтахтимиздаги Бунёдкор академияси майдонида Навоийнинг "Қизилқум" жамоаси билан куч синашди.

Қизиқарли ва муросасиз кечган ўйинда дарвозалар даҳлсизлиги сақланиб қолди. Учрашув бекободликларнинг ҳудудий устунлиги остида ўтди. Ўз навбатида навоийликларнинг бир кун муқаддам "Бунёдкор"га қарши тўп тепганликлари сабабли чарчоғи ҳам сезилди.

Иккала жамоада ҳам гол уриш имкониятлари бўлди. Бироқ шу куни ҳимоячилар ва дарвозабонлар ҳужумчиларга нисбатан ишончли ўйнади - 0:0.

Ўртоқлик ўйини.

«Металлург» - «Қизилқум» - 0:0

"Металлург": Зафар Сафоев, Даврон Каримқулов (Вусол Магерамов), Достон Турсунов (Камрон Копадзе), Ҳикмат Ҳошимов (Жасур Аҳмедов), Мирғиёс Сулаймонов (Нодир Йўлдошев), Дониёр Одилов (Фарҳод Намозов), Жаҳонгир Абдумўминов (Алишер Зиёвуддинов), Ислом Исоқжонов (Муҳаммадодил Қаҳрамонов), Санжар Қодирқулов (Аброр Тошқўзиев), Дилмурод Каримов (Аюбхон Нўмонов), Зоҳид Абдуллаев (Умид Раҳимов).

"Қизилқум": Умид Хонимқулов, Шукурали Пўлатов, Акмал Рустамов, Отабек Зокиров, Азамат Алланиёзов, Файзулла Қамбаров, Жасур Ҳасанов, Максим Юрку, Илҳом Юнусов, Эркин Бойдуллаев, Азизбек Усмонов. Заҳира: Артём Макосин, Ғайрат Жумаев, Шерали Жўраев, Алишер Юсупов, Мансуржон Саидов, Самандар Шодмонов, Бекзод Ғанижонов.