«Барселона» ҳужумчиси Лионель Месси Испания кубогининг чоракфиналидан ўрин олган «Реал Сосьедад» (5:2) клубига қарши жавоб ўйинида ажойиб формада эканини намойиш қилди.
29 ёшли футболчи басклар дарвозасига урилган 5та голда ҳам иштирок этди. Хусусан, Месси Луис Суарес ва Денис Суарес урган голларда узатмани амалга оширган бўлса, пенальтини амалга ошириб, ўз ҳисобига ҳам гол ёзиб қўйди. Бундан ташқари биринчи ва тўртинчи голлар унинг ташаббуси билан урилди.
Ўйиндан сўнг, «Реал»чи экани билан машҳур бўлган AS ва Marca нашрлари ҳужумчининг ўйинидан ҳайратда эканини яширмади. Хусусан, AS аргентиналикнинг ўйинини «бетакрор варварлик» деб атади.
