Футбол бўйича Ўзбекистон миллий терма жамоаси сардори Одил Аҳмедовнинг туғишган акаси — актёр ва режиссёр Ёқуб Аҳмедов Instagram саҳифасига янги сурат жойлади.
Унда Одил Аҳмедов «Шанхай СИПГ»нинг бразилиялик бўлган легионерлари Халк, Оскар, Элкесен, шунингдек, португалиялик Рикарду Карвалью билан аҳил жамоа бўлиб суратга тушган. Португал тилида сўзлашувчи йигитлар Одил Аҳмедовни ўртага олган.
«Одилчик, омад укам», — деб изоҳ қолдирган Ёқуб Аҳмедов. Одилчикка чиндан ҳам омад кулиб боқса, у 4 март санасидан старт оладиган Хитой Супер лигасида «Шанхай СИПГ»нинг бошланғич таркибидан жой олиши мумкин. Бунинг учун уни қучиб турган футболчилардан камида икки нафари захирада қолиши керак бўлади.
Маълумот учун, Одил Аҳмедов Хитой клубидаги илк расмий учрашувини 7 февраль куни Осиё Чемпионлар лигаси доирасида ўтказиши мумкин.
