"Олмалиқ" клубининг ёшлар жамоаси ҳам мавсумга пухта тайёргарлик кўрмоқда.
Олмалиқ шаҳрида ўтказилаётган машғулотлар билан бир қаторда ўртоқлик ўйинлари ҳам ташкил этилмоқда.
Аъзам Шерғозиев мураббийлиги остида ҳозирда 20дан ошиқ футболчи шуғулланмоқда. Кўрикдан ўта олмаган футболчиларга эса жавоб берилмоқда.
Жамоа шу кунгача учта ўйинда уч хил натижа қайд этди. "Бунёдкор" ёшлари билан баҳсда 0:1 ҳисобида мағлубиятга учрашди. "Локомотив" ёшлари билан ўйинда 2:1 натижа билан зафар қозонилди. Олмалиқ шаҳрида ўтган "Металлург" ёшларига қарши баҳсда жанговор 2:2 ҳисобидаги дуранг қайд этилди.
Ёшлар навбатдаги ўртоқлик ўйинини 3 февраль куни Ғаллаоролнинг "Ғаллакор" жамоасига қарши ўтказади.
