«Вильярреал» яримҳимоячиси Никола Сансоне «Барселона» ҳужумчиси Лионель Мессига ўхшатишлари юзасидан ўз фикрини айтди.
«Йўғе, жиддий гапирайлик. Месси – ўзга сайёралик, мени унга ўхшатманг!
Ҳозирча Испаниядаги мавсум ижобий кечмоқда. Мен 8та гол урдим, фаолиятимдаги энг яхши кўрсаткич – 9та гол. Олдинда ҳали ўйинлар кўп, шунинг учун ҳам рекордимни янгилашим мумкин.
А серия тактика жиҳатдан мураккаброқ. Ла Лигадаги футбол эса эҳтиросли, ҳужумкор. Бу ерда тактика асосий нарса эмас, баъзан кутилмаган вазиятлар юз бериб туради» - деди Сансоне.
Маълумот учун, италиялик футболчи «Сассуоло»дан «Вильярреал»га 13 миллион евро эвазига ўтган эди.
