«Vilyarreal» yarimhimoyachisi Nikola Sansone «Barselona» hujumchisi Lionel Messiga o‘xshatishlari yuzasidan o‘z fikrini aytdi.
«Yo‘g‘e, jiddiy gapiraylik. Messi – o‘zga sayyoralik, meni unga o‘xshatmang!
Hozircha Ispaniyadagi mavsum ijobiy kechmoqda. Men 8ta gol urdim, faoliyatimdagi eng yaxshi ko‘rsatkich – 9ta gol. Oldinda hali o‘yinlar ko‘p, shuning uchun ham rekordimni yangilashim mumkin.
A seriya taktika jihatdan murakkabroq. La Ligadagi futbol esa ehtirosli, hujumkor. Bu yerda taktika asosiy narsa emas, ba’zan kutilmagan vaziyatlar yuz berib turadi» - dedi Sansone.
Ma’lumot uchun, italiyalik futbolchi «Sassuolo»dan «Vilyarreal»ga 13 million yevro evaziga o‘tgan edi.
