"Барселона" ишқибозлари Испания чемпионатининг 21-тури доирасида "Атлетик" билан бугун бўлиб ўтадиган учрашувда ҳакамларнинг каталонияликларга нисбатан нохолисликларига қарши акция ўтказмоқчилар.

AS хабарига кўра, "Камп Ноу"да овозли қўллаб-қувватлашга маъсул бўлган фанатлар гуруҳи бугун стадионга тушадиган барча ишқибозлардан ўзлари билан рўмолча олиб келиш ва ўйиннинг 12-дақиқасида биргаликда силкитишга чақирди.

Уларнинг фикрига кўра, бу ҳакамларнинг "Барса"га нисбатан қилётган нохолисликларига жавоб бўлади.