"Barselona" ishqibozlari Ispaniya chempionatining 21-turi doirasida "Atletik" bilan bugun bo‘lib o‘tadigan uchrashuvda hakamlarning kataloniyaliklarga nisbatan noxolisliklariga qarshi aksiya o‘tkazmoqchilar.
AS xabariga ko‘ra, "Kamp Nou"da ovozli qo‘llab-quvvatlashga ma’sul bo‘lgan fanatlar guruhi bugun stadionga tushadigan barcha ishqibozlardan o‘zlari bilan ro‘molcha olib kelish va o‘yinning 12-daqiqasida birgalikda silkitishga chaqirdi.
Ularning fikriga ko‘ra, bu hakamlarning "Barsa"ga nisbatan qilyotgan noxolisliklariga javob bo‘ladi.