Дэвид Бекҳэм шахсий ёзишмаларини ижтимоий тармоқларга жойлаштирган ҳакерларнинг нишонига айланди, деб хабар берди “Тvzvezda.ru” нашри.
Бекҳэм ўз ёзишмаларида ЮНИСЕФ ташкилотининг хайрия ишлари билан фақат рицарлик унвонини олиш учунгина шуғулланганини тан олган.
“Жин урсин, бу пуллар меники, уларни қаерга ишлатиш шахсий ишим. Хайрия учун пул сарфлашни истамайман”, - деб ёзган Бекҳэм, ундан хайрия ишлари учун миллион доллар сўраган хайрия ташкилотига.
Нашрнинг маълум қилишича, Бекҳэм ёзишмаларидан бирида унга фахрий унвонни раво кўрмаган Буюк Британия лордларидан норози бўлиб, уларни ҳақорат қилган.
Бекхэмнинг вакиллари унинг шахсий ёзишмалари ошкор қилинганини тасдиқлади, аммо юқоридаги фикрларга изоҳ беришни лозим топмади.
