"Барселона" сафида бразилиялик футболчилар анча муваффақиятли тўп суришган.
Қуйида клуб либосида турнирда энг кўп гол урган "пентакампионлар" билан танишишингиз мумкин.
5. Дани Алвес. 80 ўйин - 5 гол
Алвес турнирда клуб учун бешта гол урган. Ҳимоячи "Панатинаикос", "Шахтёр", "Спартак" Москвага биттадан гол урган бўлса, 2013/14 йилги мавсумнинг нимчорак финалида "Манчестер Сити" билан кечган ҳар иккала беллашувда ҳам ўз номини таблога ёздириб қўйишга муваффақ бўлган.
4. Ромарио. 12 ўйин - 5 гол
Ромарио "Барса"да атиги икки мавсум тўп сурди. У 1993/94 йилги мавсумда Москванинг "Спартак" жамоаси билан бўлган ҳар икки ўйинда ҳам гол муаллифли бўлди. 1994/95 йилги мавсумда эса ҳужумчи "Манчестер Юнайтед" билан ўйинларда иккита ва "Галатасарой" билан учрашувда битта гол киритган.
3. Роналдиньо. 35 ўйин - 14 гол
Роналдиньо 2004-2008 йилларда Каталонияликлар либосида турнирда ўз ҳисобига 14 та гол ёздириб қўйган. Ярим ҳимоячи "Милан"га битта, "Челси"га иккита гол урган. Шунингдек у "Удинезе" билан учрашувда "хет-трик" муаллифига айланган.
